تلنگانہ مسودہ بل پارلیمنٹ میں پیشی‘اجلاس میں کشیدگی

حیدرآباد۔13۔فروری(اعتماد نیوز)آج پارلیمنٹ میں آخر کار مرکزی وزیر داخلہ سشیل کمار شنڈے نے تلنگانہ سمودہ بل کو پیش کیا۔ چنانچہ اجلاس میں بل پیش کرنے کے فوری بعد سیما آندھرا کے کانگریس اور تلگو دیشم کے ارکان نے شدید احتجاج کرتے ہوئے صورت حال کو کشیدگی میں تبدیل کر دیا ۔تاہم وجئے واڑہ کے رکن پارلیمنٹ اجلاس کے دوران خود اپنے آپ پر مرچی پاؤڈر اسپرے کرنے پر حالات مزید کشیدہ ہوگئے۔ چنانچہ لگڑا پاٹی راج گوپال کو اس وقت



تلنگانہ کے رکن پارلیمنٹ پونم پربھاکر اور دیگر ارکان نے روکنے کی کوشش کی۔ لیکن اس وقت مرچی پاؤڈر پھیکنے پر لگڑا پاٹی راج گوپال اور پونم پربھاکر کی صحت شدید متاثر ہو گئی۔چنانچہ آخر اجلاس کو دو پہر تک ملتوی کرنے کا اعلان کیا گیا۔ اس وقت جملہ تین ارکان پارلیمنٹ کی صحت متاثر ہوگئی۔ چنانچہ انہیں ایمبلینس کیذریعہ قریبی دواخانہ میں منتقل کر دیا گیا۔ اجلاس میں مرچی پاؤڈر پھینکنے پر اجلاس میں بد بو اور عجیب سی صورت حال پیدا ہوگئی۔